E BUJSHME/ Një tjetër deputet i PD-së do t’i bashkohet Foltores së Berishës në Tiranë, kjo është arsyeja pse Basha shpalli zgjedhjet në FRPD

Kryetari i PD-së, Lulzim Basha, ditën e sotme shpalli zgjedhjet në Forumin Rinor të Partisë Demokratike, duke hequr kryetarin aktual, Belind Këlliçi, i cili është deputet në Parlament.

Sipas burimeve për Zona Zero, kjo lëvizje e Bashës u bë për shkak se Belind Këlliçi do t’i bashkohet Foltores së ish-kryeministrit Berisha në Tiranë.

Ndaj kryedemokrati Basha për t’i paraprirë një kthimi të FRPD-së kundër, vendosi që ta heqë Belind Këlliçin dhe të vendosë dikë tjetër.

Kujtojmë që edhe më herët FRPD ka dalë kundër Bashës pas përjashtimit nga Grupi Parlamentar të Berishës.