PËRÇARJE TOTALE PD – LSI/ Kryemadhi akuzon hapur PD-në: Gënjejnë për listën e përbashkët, ashtu siç gënjyen se djegien e mandateve do ta përkrahte Merkel dhe PPE

Deklaratës e Gazment Bardhit se Partia Demokratike i kishte ofruar LSI-së 15 mandate të sigurt për të dalë në një listë të përbashkët, i është përgjigjur ashpër kryetarja e LSI-së Monika Kryemadhi.

Ajo thotë se kjo deklaratë është një mashtrim, teksa shton se PD mashtroi edhe kur tha se djegien e mandateve do ta mbështeste edhe kancelarja Merkel dhe PPE. Sipas saj, ky mashtrim pervers kalon çdo limit njerzor dhe i shërben vetëm Ramës e hijes së tij.

“Një pyetje për të gjithë anëtarët e kryesisë së PD: Kur është mbledhur kryesia e PD për t’i propozuar LSI listën e përbashkët? Në cilën ditë dhe orë? Listës së mashtrimit, që për djegien e mandateve do t’i dilte në krah kancelarja Merkel dhe PPE, iu shtua tashmë publikisht edhe kjo e 15 mandateve të ofruara. Një mashtrim pervers që kalon çdo limit njerzor dhe që i shërben vetëm Ramës dhe hijes së tij”, shkruan Kryemadhi.