Daçiç habit me deklaratën: Kosova të ndërrojë emrin, është fjalë serbe

Kryetari i Kuvendit të Serbisë, Ivica Daçiç ka bërë një reagim për një vendim që në objektin e Kuvendit të Kosovës, të mos shërbehen produkte serbe.

“Nuk jam i befasuar nga asgjë. Por pas kësaj ata duhet ta ndërrojnë edhe emrin sepse Kosovë është fjalë serbe edhe sipas uebsajt të CIA”, është shprehur Daçiç në një deklaratë për mediet në Serbi.

Ndërkohë në senacën e sotme të Kuvendit, deputeti i AAK-së, Bekë Berisha, i ka thënë Kryetarit të Kuvendit, Glauk Konjufca që të mos shërbehen produkte serbe në bufenë e parlamentit.