75 delegatë të PD-së në Tiranë i bashkohen Sali Berishës, dorëzojnë firmat në selinë blu

75 delegatë të degës nr.1 në Tiranë do të jenë në Kuvendin e 11 dhjetorit të thirrur nga ish-kryeministri Sali Berisha. Ata kanë shkuar sot në selinë blu dhe kanë depozituar firmat në zyrën e Edi Palokës, i cili i mban të mbyllura në një kasafortë bashkë me firmat e “Foltores”.

Kryetari Fetah Hasanaj, ka bërë më dije se nga 90 delegatë të kësaj dege, kanë firmosur për të iu bashkuar Kuvendit 75 delegatë.

Më herët, edhe degë të tjera të PD kanë depozituar firmat në mbështetje të Kuvendit Kombëtar të thirrur nga Sali Berisha më datë 11 dhjetor. Ndërkohë, Basha ka caktuar si datë zyrtare për mbajtjen e Kuvendit 18 dhjetorin.