VIDEO/’Më vjen një kamikaz në emision, LARGOHU!’ Gazetari nxjerr nga studio këshilltarin ligjor të PD-së

Përfundoi ndryshe nga herët e tjera emisioni i djeshëm “Top Talk” në Top Channel i gazetarit Denis Dyrnjaja pas një përplasje që pati me të ftuarin.

Në studio ishte këshilltari ligjor i PD-së, Marash Logu, i cili nisi të ankohej se nuk po i jepej koha e duhur për të folur.

Sipas Logut, kishte 10 minuta që nuk fliste dhe kjo e kapi në befasi dhe habiti moderatorin Dyrnjaja.

Ky i fundit i tha Logut se po bënte sjelljen e një kamikazi.

Debati i plotë

Marash Logu: Kam 10 minuta që jam në studion tuaj, nëse nuk doni që të zhvilloj një bisedë me ju më thoni pasi dhe unë kam punët e mia.

Dyrnjaja: Mos u kompleksoni, mos u kompleksoni nga kjo gjë.

Marash Logu: Respektoni prezencën time dhe për atë që përfaqësoj.

Denis Dyrnjaja: Kur të jap fjalën, më lejo ta moderoj unë emisionin tim.

Marash Logu: Po pra me respekt për të ftuarit, ndjesë që po ta them këtë se jeni gazetar me eksperiencë.

Dyrnjaja: Mua me thënë të drejtën më ndodh në herën e parë pas 4 vitesh në këtë eksperiencë që të më vijë një kamikaz dhe të më bëjë një gjë ndryshe në televizion. Për respekt të etikës televizive të mos e vazhdojmë më.

Logu: Të ftuarit vijnë, kundërshtojnë po jo ti quani kamikaz. Dhe unë mund t’ju them kamikaz i medias, cfarë do të thotë kjo, e para kërko falje se është ofendim ti thuash dikujt kamikaz

Dyrnjaja: Unë nuk do të kërkoj falje për këtë rast. Uljani zërin zotërisë, të lutem mund të largohesh nga studio, të lutem mund të coheni nga studio.