Shqiptari nga Moska dhuron 1 milion euro për Luginën

 Një shqiptarë nga Bujanoca, Behar Emini i cili jeton dhe vepron në Moskë të Rusisë, mbrëmë i dhuroi 1 milion euro, në kampanjën e organizuar nga RTK, për ndërtimin e 100 shtëpive për shqiptarët e Preshevës, Bujanocit dhe Medvegjës.

Ky është shembulli më i mirë edhe njëherë se shqiptarët janë popull solidar dhe i gjenden pranë njëri tjetrit atëherë kur kanë nevojë më së shumti.

Aksioni i ndërmarrë nga Fondi Humanitar i Kosovës Lindore i organizuar në hotel “Swiss Diamond” gala mbrëmjen për grumbullimn e të hollave për të ndërtuar “100 shtëpi për Luginën”, u emetua drejtpërdrejt në televizionin publik RTK me moton ,”Të ndërtojmë, të shpëtojmë, të parandalojmë, 100 Shtëpi për Preshevën, Bujanocin, dhe Medvegjën”.