“Kujdes, mos prekni asnjë makinë sepse…”/ Meta nxjerr SMS-të me mbështetësin e Berishës ditën e protestës

Presidenti Meta ka publikuar në konferencën për mediat mesazhet e shkëmbyera me kryetarin e FRPD, mbështetës i ish-kryeministrit Sali Berisha, Belind Këlliçi, ditën e protestës së 8 janarit para selisë së PD.

Kreu i Shtetit tregoi publikisht SMS-të me Këlliçin, ku i kërkon këtij të fundit që të mos provokojnë dhe të ruajnë kontrollin.

“Bëj thirrje për ruajtjen e qetësisë, shmangien e akteve të dhunës, provokimeve dhe tensioneve të panevojshme. Është tepër e rëndësishme gjetja e një zgjidhjeje demokratike, që i shërben paqes dhe demokracisë në vend.

Kam komunikuar me institucionet ligjzbatuese, edhe me shkrim, edhe me telefon, që të veprojnë për të parandaluar çdo lloj incidenti. I kërkoj falje zotërisë, Belind Këlliçit, se të shtunën në 10:24, kur pashë makinat te oborri i PD, dhe e vlerësova si moment provokativ, ndaj e mora në telefon Këlliçin, nuk ma hapi.

Pastaj më tha “President, sapo mbaruam një mbledhje me të rinjtë”. I them “Kujdes të mos preket asnjë makinë në oborr, se është provokim”. “Po, po”, më thotë ai. 20 minuta para se të hapej dera, i them “Mos humbni kontrollin paqësor të protestës”, tha Presidenti Meta.