Balla: Nuk i bën mirë Shqipërisë që një person non-grata të jetë në këtë Kuvend

Kreu i grupit parlamentar të PS-së, Taulant Balla e ka cilësuar Sali Berishën ish-deputet, pasi sipas tij, një person i shpallur “non-grata” nga ShBA nuk duhet të jetë në sallën e Parlamentit.

“Deputeti Deputeti parafolës tha që nuk do donte të ishte këtu. Mirë do ishte që i vetmi deputet non-grata të mos ishte në këtë sallë. Sa i përket cështjes së fishekëve natyrshëm që gjuha shkon ku dhemb dhëmbi. Kush e ka parë filmin “qendtë e luftës” ne shqiptarët e dimë sesi u shitën plumbat që shkaktuar Gërdecin. Por drejtësia nuk harron dhe uroj të gjenden të gjithë ata persona që bënë trafikun e armëve. Natyrshëm asnjë prej nesh nuk ka kohë të merret me non-gratën e këtij kuvendi dhe të njëjtën gjë do bëj dhe unë. Më saktë, ish-deputeti parafolës, sepse nuk i bën mirë Shqipërisë që një person i shpallur non-grata të jetë ende deputet i këtij Kuvendi. Sa i përket Ukrainës, qëndrimi ynë është totalisht në kohezion me BE-në dhe SHBA-të”, tha Balla.

Sa i përket akuzave të Bashës, Balla u shpreh i habitur nga Berisha për shkak se ai ka një gjyq me kryedemokratin për akuzat me fondet e paratë e lobimit me amerikanet e Muzin.