E FUNDIT/ Yuri Kim takim “kokë më kokë” me Lulzim Bashën: Ja për çfarë biseduam

Kryetari i Partisë Demokratike,Lulzim Basha është takuar ditën e sotme me ambasadoren amerikane në Tiranë, Yuri Kim.

Lajmi është bërë i ditur nga ambasadorja Kim, e cila tregon gjithashtu edhe temat e diskutimit.

Mësohet se në takimin mes tyre është diskutuar për çështje të ndryshme, të tilla si lufta ndaj korrupsionit dhe investimet amerikane në Shqipëri.

Takimin e ka bërë publik vetë ambasadorja amerikane përmes një statusi në rrjetet sociale ku shkruan: “Falenderoj kryetarin e Partisë Demokratike Lulzim Basha për takimin e shkëlqyer për disa çështje, përfshirë forcimin e institucioneve demokratike, për të luftuar korrupsionin, investimet amerikane në Shqipëri nga veriu në jug. Opozita e fortë është thelbësore për demokracinë”.- shkruan Kim në rrjetet sociale./ Gazeta Shqip