PD publikon videon dhe akuzon Ramën dhe Berishën: I përkasin politikës së tranzicionit që mban peng Shqipërinë
Partia Demokratike publikon videon nëpërmjet të së cilës tregon se sipas saj kryeministri Edi Rama dhe ish-kryeministri Sali Berisha bashkëpunojnë me njëri-tjetrin.
PD shkruan se qëllimi i vetëm i tyre është shkatërrimi i Partisë Demokratike.
‘Është e qartë për të gjithë që janë të lidhur dhe koordinohen me njëri-tjetrin. Ajo që u pa në parlament është vetëm maja e ajsbergut. Qëllimi i tyre është të shkatërrojnë Partinë Demokratike. Rama për arsyet e tij politike. Berisha për arsyet e tij personale. Ata kanë një hall të përbashkët: I përkasin politikës së tranzicionit që po e mban peng Shqipërinë. Askush nuk ka më iluzione, zgjidh Ramën dhe merr Berishën. Zgjidh Berishën dhe merr Ramën’, shkruan PD