Berisha shpalli aleancën me LSI, reagon PD: Koalicion non-grata që mban Shqipërinë në vendnumëro

Partia Demokratike ka reaguar menjëherë pas shpalljes nga ish-kryeministri Sali Berisha të koalicionit me LSI-në në zgjedhjet e pjesshme vendore në 6 bashkitë. Në një reagim zyrtar PD shprehet se ky koalicion “non-grata” nuk do të mbajë Shqipërinë në vendnumëro.

“Sali Berisha ka vetëm një garë, atë për të dëmtuar Partinë Demokratike. Koalicioni non grata nuk do ta mbajë Shqipërinë në vendnumëro, hallet e Berishës, Ramës dhe Metës, nuk janë hallet e shqiptarëve. Zgjedh Ramën, mban Berishën dhe Metën. Zgjedh Berishën dhe Metën, mban Ramën”, thuhet në reagimin e PD-së.

Ish-kryeministri Berisha në prezantimin e 6 kandidatëve për kryetar bashkie shpalli koalicionin me LSI-në, duke e cilësuar si “Shtëpia e Lirisë”. Ndërsa bëri të ditur se pjesë e kësaj lëvizjeje do të jenë edhe partite te tjera.