“Shtëpia e Lirësë”, Basha reagon ndaj koalicionit: Fijet nxorën strehën e vjetër, emrat që nga dosja e Dibrës
Koalicionin mes LSI-së dhe Komisionit të Rithemelimit të PD-së të Sali Berishës për zgjedhjet e pjesshme lokale të 6 marsit, Partia Demokratike e quan zyrtarizim sipas saj të “partisë së vjetër Meta-Berisha-Rama”.
“Më në fund Sali Berisha zyrtarizoi partinë e vjetër Meta-Berisha-Rama që simbolizon gjithçka që nuk shkon në Shqipëri: Korrupsionin; Politikën e vjetër; Lajmet e rreme dhe disinformimin. Kandidimi në Dibër i bashkëshortit të prokurores që mbrojti bandën e Edi Ramës, duke mos hetuar dosjen 184 të vjedhjes së zgjedhjeve në Dibër, është provokim i rëndë për çdo demokrat dibran që masakrën zgjedhore e provuan të parët në 2016. Premtim Kryemadhi mund të jetë kushëriri i Monika Kryemadhit, mund të jetë edhe bashkëshorti i prokurores që mbrojti dhe shpëtoi nga burgu Edi Ramën dhe bandën e tij, por me PD dhe demokratët nuk ka asnjë lidhje”, thuhet në reagimin zyrtar të PD-së.
Koalicioni Berisha dhe LSI do të mbajë emrin “Shtëpia e Lirisë” dhe se në të do të bëjnë pjesë edhe parti të tjera, si PDK-ja e Nard Ndokës. Sot LSI depozitoi zyrtarisht kërkesën për regjistrimin e këtij koalicioni.
Deklarata e plotë
Më në fund Sali Berisha zyrtarizoi partinë e vjetër Meta-Berisha-Rama që simbolizon gjithçka që nuk shkon në Shqipëri:
Korrupsionin; Politikën e vjetër;Lajmet e rreme dhe disinformimin.
Kandidimi në Dibër i bashkëshortit të prokurores që mbrojti bandën e Edi Ramës, duke mos hetuar Dosjen “184” të vjedhjes së zgjedhjeve në Dibër, është provokim i rëndë për çdo demokrat dibran që masakrën zgjedhore e provuan të parët në 2016.
Premtim Kryemadhi mund të jetë kushëriri i Monika Kryemadhit, mund të jetë edhe bashkëshorti i prokurores që mbrojti dhe shpëtoi nga burgu Edi Ramën dhe bandën e tij, por me PD dhe demokratët nuk ka asnjë lidhje.
Kandidimi i tij shpjegon më së miri edhe komunikimin privat të Flamur Nokës dhe Ulsi Manjës. Kandidatin e koalicionit “Non-Grata” e kanë zgjedhur bashkërisht. Ulsi Manja, nëse bashkëshortja e kandidatit të Flamur Nokës në Dibër do të zbatonte ligjin dhe do hetonte Dosjen “184”, do ishte në burg dhe jo në krye të Ministrisë së Drejtësisë.
Partia e vjetër Meta-Berisha-Rama ka 2 qëllime:
1. Të dëmtojë PD dhe demokratët;
2. Të bëhet strehë mbrojtëse për Metën dhe Berishën.
Ajo është streha për Ilirin dhe Saliun.
Zgjedh Ramën, mban Berishën dhe Metën!
Zgjedh Berishën dhe Metën dhe mban Ramën!