Zvicra sulmon Shqipërinë me pesë shqiptarë
Përfaqësuesja e Zvicrës do të paraqitet me pesë futbollistë shqiptarë kundër Shqipërisë në sfidën eliminatore për Botërorin 2014 që mbahet në Brazil. Zvicra takohet me Shqipërinë më 11 shtator në Luzern.
Trajneri i Zvicrës, Ottmar Hitzfeld, ka publikuar të enjten listën me emrat e futbollistëve në të cilët llogarit për ndeshjet eliminatore kundër Sllovenisë dhe Shqipërisë. Me Slloveninë “helvetikët” takohen më shtatë shtator.
Ashtu si pritej, në listën e Hitzfeldit gjenden emrat e Valon Behramit, Blerim Xhemajlit, Xherdan Shaqirit, Granit Xhakës e Admir Mehmedit.
Behrami, Shaqiri, Xhaka e Mehmedi kanë qenë titullarë për Zvicrën në miqësoren e fundit kundër Kroacisë, derisa Xhemajli u aktivizua në pjesën e dytë. Shaqiri e Xhaka ishin vlerësuar më të mirët në radhët e Zvicrës në miqësoren e luajtur në Split.
–^^^ Beji “Like” faqes ne facebook “Zgjohu Shqiptar !!!”
Me pas kliko ketu per ta shperndare ne profilin tuaj.