Grupet e tifozëve huliganë duan hakmarrje ndaj shqiptarit, gjysha e 19-vjeçarit grek: Le ta rrihte, por jo…

Vrasje 19-vjeçarit grek, Alkis Kampanos pritet të shkaktojë përplasje të forta mes grupimeve të tifozëve në Selanik. I riu humbi jetën pas një goditje me thikë dhe për këtë si autor i dyshuar është një 23-vjeçar shqiptar që ishte pjesë e grupit të tifozëve rivalë.

Por grupet rivale kanë paralajmëruar rebelim dhe duan hakmarrje për humbjen e të riut grek.

“Nëse dikush ka veshur fanelën e ekipit të tij, unë duhet t’ia marr. Ai nuk do të më lërë me të dhe ky është ligji. Edhe pse është gabim, kështu shkon,” përfundon njëri prej dy fansat, i cili flet me shpinën nga kamera.

E dyta thotë: “Duam të tregojmë se kush komandon në qytet, në Selanik. “Flamuri ynë duhet të lartësohet edhe nëse shkojmë në burg”.

Sakaq gjyshja e tij u shpreh se nipin e masakruan vrasësit, të cilët kërkoi që të dënohen maksimalisht, në mënyrë që në të ardhmen të mos qajë një tjetër nënë.

“Këta janë vrasës, një prerje të tillë (i referohet thikës me të cilën u qëllua 19-vjeçari) mund ta bëjë vetëm një kirurg ose vrasës. Le të rrihet, por të shpëtojë, a ishte e nevojshme ta vrisnin?”.

“Zoti e dënoftë, por edhe ta gjejë atë që e nxiti ta vriste. Ai nuk ishte vetëm, ishte një bandë. Të dënohet, që të mos qajë një nënë tjetër. Duhet të jesh tifozë, jo kriminel” tha ajo më tej.

Gjyshja e 19-vjeçares tha se Alkisi shkonte në stadium ndërsa si çdo fëmijë ai ka ekipin e tij. “E varrosëm dhëndrin. Çfarë kënaqësie ndjej nëse kapen? Nuk zbutet dhimbja, por asnjë familje nuk duhet ta përjetojë një gjë të tillë. Le të ndalojnë këto gjëra” , shtoi ajo.