S’ka komb kosovar!

Ambasadori i Shqipërisë në Kosovë, Islam Lauka, ka hedhur të hënën kritika ndaj atyre që mendojnë dhe e kanë përhapur idenë se ekziston një komb kosovar. Ai u ka thënë të gjithë atyre që mendojnë kësisoj se nëse nuk e ndiejnë veten se i takojnë kombit shqiptar, lirisht mund ta ndërrojnë atë, pasi që jetojmë në demokraci dhe kjo nuk do të jetë ndonjë problem. Në anën tjetër, publicisti Nexhmedin Spahiu, përkrahës i kësaj ideje, e ka mbrojtur sërish idenë se ekziston kombi kosovar.

Ambasadori shqiptar në Kosovë, Islam Lauka, gjatë mbajtjes së një fjalimi në hapjen solemne të konferencës dyditore me temën “Shekulli i shtetit shqiptar”, ka hedhur kritika ndaj atyre që e kanë vënë në qarkullim tezën, siç e quajti ai, pseudo-shkencore, atë të ekzistimit të kombit kosovar. Ai shtoi se bartësit e kësaj ideje e kanë vetëm një qëllim, që ta lënë kombin shqiptar pa histori, dhe si rrjedhojë e kësaj, ta lënë atë edhe pa të ardhme.

Mundesohet nga faqet ne facebook: ” Te behemi 50.000 veta kunder regjistrimit te fese & kombesise.Loje e Grekut “ dhe ” Zgjohu Shqiptar !!! “ —> “Shperndaje”