E FUNDIT/ Kushtetuesja nuk shkarkoi Presidentin Meta, reagon ambasada e SHBA-së

Presidenti i Republikës Iliri Meta nuk është shkarkuar nga Gjykata Kushtetuese.

Lidhur me këtë çështje ka reaguar edhe ambasada e SHBA-së në Tiranë.

Nëpërmjet një reagimi në rrjetet sociale, ambasada dhe SHBA mbështesin fuqimishëm zbatimin e reformës në drejtësi.

Ndër të tjera citohet se ky vendim pasqyron pavarësi dhe integritet.

“Gjykata Kushtetuese e Shqipërisë, e cila u bë funksionale në dhjetor të vitit 2020, po demonstron aftësinë për të përmbushur funksionin e saj parësor dhe thelbësor duke shqyrtuar faktet dhe argumentet e paraqitura nga palët përkatëse, duke diskutuar mbi këto fakte dhe argumente në bazë të Kushtetutës dhe duke dhënë vendime që pasqyrojnë pavarësi dhe integritet. Shtetet e Bashkuara mbështesin fuqimisht zbatimin e reformës në drejtësi, përfshi një gjyqësor profesional, të pavarur, si institucion thelbësor për të garantuar shtetin ligjor, si dhe ndarjen dhe balancimin e pushteteve”.- shkruhet në njëftimin e ambasadës./ Gazeta Shqip