“Kemi shumë për të mësuar nga shembulli i shqiptarëve”

Kryeministri i Kanadasë, Stephen Harper, në ceremoninë përkujtimore të Holokaustit

“Kemi shumë për të mësuar nga shembulli i tyre”, kështu është shprehur kryeministri i Kanadasë, Stephen Harper, në fjalën e tij mbajtur në një ceremoni përkujtimore të Holokaustit.

“Pas pushtimit nazist në 1943, shqiptarët refuzuan të japin listën e hebrenjve që hynë në kufirin e tyre. Ata u dhanë hebrenjve dokumente false, në mënyrë që t’i ndihmonin për t’iu shmangur zbulimit. Ky vend nuk mbrojti vetëm qytetarët e vet hebrenj; ata mirëpritën një numër të madh refugjatësh hebrenj që erdhën nga vendet fqinje. Rezultati ishte, se thuajse të gjithë ata u shpëtuan”, është shprehur Harper.

Kryeministri kanadez më tej ka vënë theksin se “besa” e shqiptarëve duke thënë se ajo është kodit etik më i lartë në Shqipëri. Cila është arsye për këtë shembull madhështor? Është besa, kodi i nderit, kodi më i lartë etik në Shqipëri. Besa germë për germë do të thotë ‘të mbash premtimin’”, ka nënvizuar Harper.

Ceremonia e ditës përkujtimore ndaj Holokaustit u mbajt në Muzeun e Luftës në Otava, ku u prezantuar dhe një ekspozitë kushtuar shqiptarëve myslimanë të cilët shpëtuar hebrenjtë gjatë pushtimit nazist.

Ndërkohë, Kanadanë me 10 dhe 11 maj pritet ta vizitojë zv.kryeministri dhe ministri i Jashtëm, Edmond Haxhinasto, vizitë e cila do të zhvillohet me ftesë së homologut të tij kanadez, John Baird. Gjatë këtij takimi mes tyre pritet të diskutohen çështje politike. /The Canadian Jewish news/

Mundesohet nga faqet ne facebook: ” Te behemi 50.000 veta kunder regjistrimit te fese & kombesise.Loje e Grekut “ dhe ” Zgjohu Shqiptar !!! “ —> “Shperndaje”