Ambasada e SHBA u kërkon qytetarëve amerikanë që të largohen nga Rusia menjëherë

Ambasada e SHBA në Rusi paralajmëroi shtetasit amerikanë se duhet të konsiderojnë largimin “menjëherë” për shkak të numrit në rritje të linjave ajrore që anulojnë fluturimet brenda dhe jashtë vendit, ndërkohë që një numër i madh shtetesh kanë mbyllur hapësirën e tyre ajrore për linjat ajrore ruse.

“Një numër në rritje i linjave ajrore po anulojnë fluturimet me Rusinë dhe shumë vende kanë mbyllur hapësirën e tyre ajrore për linjat ajrore ruse. Qytetarët amerikanë duhet të konsiderojnë largimin menjëherë nga Rusia përmes opsioneve komerciale që janë ende të disponueshme”, tha ambasada në një deklaratë.

“Ambasada e SHBA-së u kujton qytetarëve amerikanë se niveli i Këshillimit të Udhëtimit të Departamentit të Shtetit për Rusinë është në “Nivelin 4: Mos udhëtoni”, thuhej më tej.