Në protestë kundër luftës së Ukrainës, arrestohen 6000 protestues në të gjithë Rusinë

Autoritetet ruse kanë arrestuar rreth 6000 persona, të cilët kanë marrë pjesë në protestën kundër luftës që urdhëroi Vladimir Putin për Rusinë.

Sipas të dhënave të fundit, 2802 persona janë arrestuar për pjesëmarrje në demonstrata të paligjshme në 57 qytete në të gjithë vendin të dielën. Vetëm në Moskë u arrestuan 1275 persona.

Sipas ligjit rus, demonstratat e mëdha kërkojnë që protestuesit të aplikojnë për një leje, e cila duhet të dorëzohet jo më shumë se 15 por jo më pak se 10 ditë përpara ngjarjes. Gjoba të rënda dhe në disa raste edhe burg mund të vendosen për ata që protestojnë pa leje.

Komiteti Hetues i Rusisë paralajmëroi se pjesëmarrja në çdo protestë kundër luftës ishte e paligjshme. Ai gjithashtu tha se veprat penale mund të futeshin në dosjet kriminale të pjesëmarrësve, të cilat do të lënin gjurmë në të ardhmen e personit.