SHBA thirrje prodhuesve të naftës: Rrisni furnizimin, është koha për të hapur rezervat që keni

Zëvendës këshilltari i sigurisë kombëtare i SHBA-së Daleep Singh, u bëri thirrje prodhuesve të naftës që të rrisin furnizimin në një kohë kur Amerika po vazhdon të godasë Rusinë me sanksione për pushtimin e saj në Ukrainë. Sipas Singh, kjo është kohë që prodhuesit “kudo ku janë” të hapin rezervat.

“Ne duam më shumë furnizim në botë, më shumë furnizim me naftë. E duam nga prodhuesit që kanë kapacitet të lirë. Ato janë rreth 3 deri në 4 milionë fuçi në ditë kapacitet rezervë. Arabia Saudite ka një pjesë të atij kapaciteti rezervë, “tha Singh për CNN, duke vënë në dukje bisedën e residentit Joe Biden me Mbretin Salman të Arabisë Saudite.

Shtetet e Bashkuara, shtoi ai, duan furnizim me naftë “kudo që mund të prodhohet – kjo është në shtëpi, është jashtë.” I bindur këshilltari Daleep Singh tha se prodhuesit kanë mjaftueshëm rezerva nafte.

“Kemi ne kemi kapacitet prodhues në shtëpi. E dini, prodhuesit privatë kanë qiratë, lejet, sinjalin e çmimit për të rritur prodhimin e tyre, duke punuar me Wall Street për të investuar në sigurinë energjetike të Amerikës. Ne duam që kjo të ndodhë. Dhe për ato vende që kanë rezerva strategjike të naftës, ka 1.5 miliardë nga këto rezerva në mbarë botën, kjo është koha për t’i përdorur ato”, u shpreh këshilltari amerikan i sigurisë.

I shtyrë nga komentet nga Kremlinit këtë mëngjes, Singh nuk i quajti veprimet e SHBA-së kundër Rusisë një “luftë ekonomike”.

“Kjo është një luftë brutale dhe e panevojshme agresioni. Ne thamë gjatë gjithë kohës që agresioni do të përshkallëzohet, po kështu edhe kostot. Dhe dështimi strategjik për Putinin vazhdon të rritet. Ne kemi vendosur sanksionet ekonomike më të rënda dhe të koordinuara në histori”, u përgjigj Singh, duke shtuar se ekonomia ruse është në “shkatërrim” dhe “eksodi” i kompanive globale nga tregjet ruse vazhdon.