A do largohej që demokratët të bashkoheshin? Si përgjigjet Sali Berisha

Pasi doli nga Kuvendi, Sali Berisha, në një deklaratë për mediat u pyet nga gazetarët nëse do të ishte i gatshëm të largohej, nëse ky do të ishte kushti i vetëm për të bashkuar demokratët.

Por ai tha se kushti i vetëm që ai mund të pranojë është vota e lirë.

Lidhur me fjalët e deputetes Grida Duma, e cila u shpreh se bashkimi me ish-kryeministrin është një hap pas, tha se respekton çdo mendim.

Deklarata e Grida Dumës se bashkimi me Berishën është një hap pas, si e komentoni?

Berisha: Respektoj çdo mendim, unë e kam thënë qëndrimin tim dhe të PD. Hapje të plotë ndaj të gjithë atyre të cilët pranojnë votën e lirë.

Nëse kushti i vetëm për të bashkuar demokratët dhe për t’i hapur rrugën një gare të drejtë, Do ishit i gatshëm të largoheshit?

Berisha: Kushti i vetëm që mund të pranohet është vota e lirë. Mendoj që nëna e të gjitha problematikave është vota e lirë.