Shpërthim i fuqishëm në Zagreb/ Dy parashuta çudisin ekspertët: Dron zbulimi i përdorur nga Ukraina

Një shpërthim i fuqishëm ndodhi gjatë mbrëmjes së djeshme Zagreb të Kroacisë.

“Sot, 10 mars 2022 pas orës 23:00, Drejtoria e Policisë së Zagrebit ka marrë disa raportime nga qytetarët se kanë ndjerë një shpërthim në zonën e gjerë të Jarunit, të cilit i ka paraprirë rënia e objektit nga ajri,” njoftoi ministria e brendshme e Kroacisë.

Policia ka shkuar në vendin e ngjarjes dje ka konstatuar një krater dhe 2 parashuta, për të cilat paraprakisht kanë raportuar qytetarët.

Nuk raportohet për viktima apo të plagosur, ndërsa parashutat u gjetën pranë liqenit Jarun. E gjithë zona është e bllokuar. Sipas informacioneve të fundit, një objekt i panjohur fluturues mund të jetë një dron zbulimi nga Ukraina.

Sipas dnevnik, objekti që u rrëzua në Zagreb mund të jetë një dron zbulues Tu-141 Strizh,” tha Tyler Rogoway, një ekspert i aviacionit ushtarak dhe redaktor i portalit të Zonës së Luftës.

Një parashutë tjetër është gjetur në pjesën lindore të liqenit të Jarunit dhe një nga dëshmitarët tha se mbi të ishte një çantë shpine.