Pamjet satelitore: Autokolona ushtarake ruse 64 km e gjatë, shpërndahet në zonat përreth kryeqytetit Kiev

Imazhet e reja satelitore të marra më herët të enjten tregojnë se autokolona ushtarake ruse në veriperëndim të Kievit që shtrihej më shumë se 40 milje (më shumë se 64 kilometra) është “shpërndarë dhe ripozicionuar kryesisht”, thotë Maxar Technologies.

Disa elementë të kolonës janë “ripozicionuar” në pyje dhe zona me pemë pranë Lubyanka, Ukrainë, sipas Maxar. Imazhet satelitore janë marrë në orën 11:37 të mëngjesit me orën e Kievit. Në veri të bazës ajrore Antonov në Hostomel, automjetet ushtarake ruse shihen të vendosura në rrugë në zonat e banuara në qytetin Ozera, 17 milje në veriperëndim të kryeqytetit.

Artileri të tërhequra dhe automjete të tjera shihen gjithashtu duke u mbuluar në një pjesë të rrallë pemësh pranë Lubyanka, rreth tre milje në veriperëndim të bazës ajrore Antonov.

Në Berestyanka – 10 milje në perëndim të bazës ajrore – një numër kamionësh me karburant dhe, siç thotë Maxar, duket se janë raketahedhës të shumtë janë parë të pozicionuar në një fushë pranë pemëve.

Në juglindje të Ivankiv – fundi i autokolonës prej 40 miljesh – një numër kamionësh dhe pajisjesh shihen ende në rrugë. Rrethinat veriperëndimore të kryeqytetit të Ukrainës, Kiev, dhe pjesë të qytetit verior të Chernihiv kanë pësuar dëme të konsiderueshme, tregojnë imazhet e reja satelitore nga Maxar Technologies.