Misteri Alqi Bllako/ Nuk gjendet në banesë, avokati poston foto nga avioni: Ciao, përqafime

Mbetet ende mister vendodhja e ish-deputetit Alqi Bllako, të cilin policia shkoi për ta arrestuar, por nuk e gjeti në banesën e tij.
Pas vendimit të Gjykatës së Posaçme, efektivët u nisën drejt shtëpisë së ish-deputetit për të bërë të mundur arrestimin e tij, por janë gjetur përballë një surprise të pakëndshme, pasi nuk e kanë gjetur atë në banesë. Ish-deputeti që dorëzoi dje mandatin nuk dihet ende se ku ndodhet.
Ndërkohë, avokati i tij, Sokol Hazizaj, ka postuar një foto nga avioni, ku shkruan: “Ciao, përqafime”. Një postim që lë shumë vend për dyshime, pasi ai duhet të ishte në Shqipëri për të mbrojtur interesat e klientit të tij. Çfarë ka dashur të thotë avokati me këtë postim? A është ai vetë që ka bërë foton, apo të jetë dikush tjetër?
Ndërkohë, pritet një reagim zyrtar nga ana e Policisë, për të hedhur më shumë dritë mbi këtë ngjarje.
