I shpërfytyruan fytyrën përgjithmonë vlonjatit, si “gënjeu” aktori për sherrin në gjimnaz

Binjakët Romeo dhe Donald Veshaj janë kthyer në “shënjestër” të mediave rozë, pas lajmit se mund të dënohen me burg. Kjo, pasi një ka “dalë në dritë” një ngjarje e ndodhur në 2013 kur ata ishin në gjimnaz dhe janë përfshirë në një sherr me një bashkëmoshatar.

Sipas burimeve bëhedt me dije se tashmë mbi to rëndon akuza për “plagosje të rëndë me dashje e kryer në bashkëpunim” dhe si pasojë rrezikojnë deri në 10 vite burg.

Por gjatë qëndrimit në shtëpinë e famshme të Big Brother VIP, Donaldi rrëfeu një sherr që kishte pasur në gjimnaz, ku dhe kishte përfunduar në polici.

Ai tregoi se ishte dashuruar me një vajzë, por ajo ishte në një lidhje dashurie. Sipas Donaldit, ajo ishte ndarë për të vazhduar me të.

Në një moment ai tregoi se atë e ndiqte një person me makinë dhe kur ky e vuri re u përplas fizikisht me të, por që personi në fjalë e denoncoi dhe Donaldi përfundoi në polici.

“Më denoncoi, por nuk ishte diçka serioze, dhashë deklaratën time dhe aq”, tha ai.

Nuk dihet nëse bëhet fjalë për të njëjtën ngjarje, por dyshimet lindin për shkakun se arsyeja e sherrit ka qenë një vajzë dhe se aktori i humorit ka përfunduar asokohe në komisariatin e Policisë. Ndërkohë ende nuk ka një reagim nga ana e binjakëve, lidhur me këtë ngjarje.

Back to top button
LAJMET E FUNDIT