Liberalizimi i vizave/ Ambasadori gjerman i jep Kosovës lajmin e mirë

Ambasadori i Gjermanisë në Kosovë, Joern Rohde, është treguar optimist në lidhje me liberalizimin e vizave për Kosovën, ku thotë se do tu hiqen vizat këtë vit.

Që të ndodhë liberalizimi i vizave, Franca duhet të ndryshojë qëndrim, diçka që ambasadori gjerman s’e komenton duke thënë vetëm se Gjermania mendon se heqja e regjimit të vizave për Kosovën është vonuar.

Ambasadori gjerman ka folur edhe për marrëdhëniet ekonomike mes Kosovës dhe Gjermanisë për të cilat thotë se po zhvillohen, derisa shton se vendi i tij është investitori më i madh në Kosovë.

“Unë jam ambasador gjerman dhe me këtë më duhet të marr dy vendime të vështira. Gjermania është një vend i vjetër. Imigrimi është mirë për Gjermaninë, por jo aq mirë për Kosovën. Ju jeni vendi më i ri në Evropë. Mirëpo emigrimi dhe imigrimi gjithmonë janë çështje individuale. Ne jetojmë në një demokraci dhe çdo vit nga Gjermania emigrojnë 300.000 gjermanë që shkojnë në vende të ndryshme. Disa edhe kthehen”, shtoi ai.

Back to top button
LAJMET E FUNDIT