“Ndajmë dhimbjen me popullin shqiptar”/ Sekretari amerikan i shtetit mesazh ngushëllimi për vdekjen e Bujar Nishanit

Sekretari amerikan i Shtetit, Anthony Blinken ka dërguar një mesazh ngushëllimi në lidhje me ndarjen nga jeta të ish-presidentit Bujar Nishani.

Nëpërmjet një postimi në Twitter, Blinken shprehet se ndan dhimbjen për ndarjen e tij nga jeta, ndërsa shton se  kontributet e Nishanit në marrëdhëniet SHBA-Shqipëri do lënë një trashëgimi të qëndrueshme.

“Ndajmë dhimbjen e popullit shqiptar për ndarjen nga jeta të ish-presidentit Bujar Nishani. Kontributet e tij në marrëdhëniet SHBA-Shqipëri dhe partneriteti ynë i qëndrueshëm do të lënë një trashëgimi të qëndrueshme”, shkruan Blinken.

Ish-presidenti Bujar Nishani nderoi jetën ditën e shtunë në një spital në Berlin, ku po kurohej prej kohësh për komplikacione që i kishte lënë Covid-19.

Ish-presidenti do të përcillet për në banesën e fundit me një ceremoni që do të zhvillohet në orën 10:00 te Pallati i Kongreseve, ditën e enjte, ndërsa trupi i pajetë do të mbërrijë nga Gjermania në atdhe ditën e nesërme.

Back to top button
LAJMET E FUNDIT