Zëdhënësi i Putinit akuzon SHBA-në: Nuk ka qëllim të mbroj Ukrainën por…

Zëvendësministri i Jashtëm rus Sergei Ryabkov në reagim ndaj marrëveshjes së Presidentit Joe Biden për t’i ofruar Ukrainës sisteme dhe municione më të avancuara raketash i tha agjencisë shtetërore të lajmeve RIA Novosti se vendimi i SHBA ishte “jashtëzakonisht negative” dhe do të rriste rrezikun e një konfrontimi të drejtpërdrejtë.

Sipas Sky News, zëdhënësi i Kremlinit Dmitry Peskov ka akuzuar Shtetet e Bashkuara se qëllimisht i kanë hedhur benzinë ​​zjarrit. Ai u tha gazetarëve se SHBA po e nxit luftën dhe po e përkeqson atë pasi nuk ka qëllim që të mbroj Ukrainën.

“Ne besojmë se SHBA-ja po derdh qëllimisht naftë mbi zjarrin. SHBA-ja padyshim po e mban linjën që do të luftojë Rusinë deri në ukrainasin e fundit”-tha ai.

Peskov tha gjithashtu se Kremlini nuk do të përjashtonte një takim midis Presidentit Vladimir Putin dhe homologut të tij ukrainas Volodymyr Zelenskyy, por se çdo bisedë e tillë duhet të përgatitet paraprakisht.

Ai vazhdoi duke thënë se puna për një dokument paqeje me Ukrainën ishte ndalur shumë kohë më parë dhe nuk kishte rifilluar. Natën e kaluar, u zbulua se SHBA do të siguronte armatim të mëtejshëm, duke përfshirë sistemin e raketave të artilerisë me lëvizshmëri të lartë M142 (HIMARS), në Ukrainë për të ndihmuar vendin të mbrohet.

Back to top button
LAJMET E FUNDIT