Beteja finale/ Forcat ruse po përdorin të gjitha rezervat e tyre, Ukraina i gëzohet artilerisë amerikane

Ndërkohë që rusët janë tërhequr prej dis javësh nga veriu dhe rrethinat e Kievit, lufta tashmë është duke u zhvilluar e ashpër në rajonin e Donbasit. Ushtria ukrainase deklaron ka rimarrë një pjesë të qytetit të Severodonetsk – vetëm disa ditë pasi njoftoi një tërheqje strategjike nga aj zonë.

BBC raporton se është e vështirë të dihet saktësisht se çfarë po ndodh në Severodonetsk – me shumicën e linjave të komunikimit të ndërprera – por guvernatori i rajonit tha se trupat e tij i kishin shtyrë më tej forcat pushtuese.

Sergiy Haidai tha se rusët kishin pushtuar më parë rreth 70 për qind të qytetit të vjetër industrial.

Beteja finale për Donbasin/ Forcat ruse po përdorin të gjitha rezervat e tyre, Ukraina i gëzohet artilerisë amerikane

Por më pas ai tha se trupat ukrainase kishin rimarrë një pjesë të konsiderueshme të Severodonetskut.

Qyteti – i cili është një objektiv kryesor për Rusinë – ka qenë nën bombardime e vazhdueshme për javë të tëra. Haidai tha gjithashtu se ardhja e artilerisë së rëndë amerikane do të ishte vendimtare – duke bërë që këmbësoria ruse të “ikte”.

Gjatë fjalimit të tij të mbrëmshëm, Presidenti Zelensky e ironizoi ushtrinë ruse duke thënë se ata ishin “ushtria e dytë në botë” që po humbiste në Ukrainë.

Por – ajo ushtri është ende në ofensivë – dhe do të duhen më shumë se fjalë për ta ndaluar atë.

Rusia i “hedh” të gjitha në fushë në Severodonetsk

BBC raporton se luftimet po vazhdojnë në rrugët e qytetit, thotë guvernatori i rajonit të Luhansk.

Në postimet në Telegram këtë mëngjes, Serhiy Haidai thotë se forcat ukrainase kanë zmbrapsur nëntë sulme të armikut në 24 orët e fundit, duke shkatërruar një tank, një sistem artilerie dhe tetë automjete të blinduara.

Beteja finale për Donbasin/ Forcat ruse po përdorin të gjitha rezervat e tyre, Ukraina i gëzohet artilerisë amerikane

Ai thotë se njësitë e mbrojtjes ajrore kanë rrëzuar gjithashtu një raketë dhe tre dronë.

Forcat ruse “po përdorin të gjitha rezervat e tyre në Severodonetsk”, thotë ai, dhe situata humanitare është e vështirë pasi është “e pamundur të dërgohen ushqime dhe ilaçe në qytet”.

Back to top button
LAJMET E FUNDIT