Dalin PAMJET/ Me pishinë e palma, ja vila luksoze e të fortit të Elbasanit që u sekuestrua sot

Policia e Elbasanit ka ekzekutuar urdhrin e gjykatës së Elbasanit që ka vendosur masën e sekuestros për pasuritë e Gentian Sharrës dhe babait të tij Mustafa Sharrës.
Gentian Sharra u arrestua në kuadër të operacionit “Plumbi i artë”, pas rrëfimit që ka bërë për hetuesit Nuredin Dumani, i penduari i drejtësisë.
Gentian Sharra është i akuzuar për një sërë veprash penale, si dhe për grabitjen e parave në Rinas.
Me kërkesë të Prokurorisë pranë Gjykatës së Rrethit Gjyqësor Elbasan, në kuadër të veprimeve hetimore, Gjykata e Rrethit Gjyqësor Elbasan, me vendimin e datës 09.06.2022, ka caktuar masën e sigurimit pasuror “Sekuestro”, për pasuritë e paluajtshme dhe të luajtshme në pronësi të Gentianiy Sharra dhe të babait të tij, shtetasit Mustafa Sharra.
Operacioni i zhvilluar dhe nga forcat speciale RENEA mbrëmjen e të enjtes, 9 qershor, ishte koduar “Illegal assets”.
PASURITE E SEKUESTRUARA
Nga Seksioni për Hetimin e Krimit Ekonomik e Financiar në DVP Elbasan, në zbatim të vendimit të Gjykatës, u sekuestruan:
-1 vilë luksoze në lagjen Katund i Ri, Elbasan, biznes fason dhe tokë arë;
-Truall dhe ndërtesë, me sipërfaqe 120 m2, në lagjen Katund i Ri, Elbasan, në pronesi të Gentian Sharra;
-Tokë arë me sipërfaqe 15680 m2 dhe ndërtesë me sipërfaqe 119.8 m2, në lagjen Katund i Ri, Elbasan, në pronësi të shtetasve Mustafa Sharra dhe Gentian Sharra;
-Tokë arë me sipërfaqe 3533 m2, në lagjen Katund i Ri, Elbasan, në pronësi të Mustafa Sharra dhe Gentian Sharra;
-Pasuri tokë arë me sipërfaqe 4170 m2, në lagjen Katund i Ri, Elbasan, në pronësi të Gentian Sharra;
-Pasuri tokë arë me sipërfaqe 4050 m2, në lagjen Katund i Ri, Elbasan, në pronësi të Mustafa Sharra.
-Pasuri tokë arë me sipërfaqe 3533 m2, truall me sipërfaqe 208.1 m2 dhe ndërtesë, në lagjen Katund i Ri, Elbasan, në pronësi të Gentian Sharra.
-Pasuri tokë arë me sipërfaqe 394 m2, në lagjen Katund i Ri, Elbasan, në pronësi të Mustafa Sharra dhe Gentian Sharra.
Gjithashtu janë sekuestruar 4 automjete në pronësi të shtetasit Gentian Sharra dhe të familjareve të tij.