Berisha premton: Me mua do marrë fund luksi, s’do udhëtoj kurrë me aeroplan në dispozicion

Ish-kryeministri Sali Berisha thotë se ka përgjigjen më të shpejtë për t’i dhënë fund krizës së madhe ku sipas tij po ndodhet vendi.

Berisha nuk ngurroi të shpalosë edhe disa masa të menjëhershme, që do të marrë nëse do të vijë në pushtet.

Nga zhdukja e varfërisë ekstreme, te heqja e tenderave sekretë dhe kufizimi i luksit për qeveritarët, Berisha zbuloi disa nga synimet e tij.

“Unë u ofroj shqiptarëve përgjigjen më të shpejtë të kësaj situate që po rrokulliset çdo ditë e më shumë. Duke filluar nga vendosja e minimumit jetik. Të zhduk varfërinë ekstreme. Do marrin fund tenderat me një operator. Do marrin fund tenderat sekrete, do marrë fund luksi. Nuk do udhëtoj kurrë me aeroplan në dispozicion”, tha Berisha në emisioin “Open”.