Sekretari i Berishës i jep ultimatum Ramës: Shqiptarët janë për mëshirë, qeveria të japë dorëheqjen. SPAK të…!
Sekretari i organizimit i Berishes, njehersh ish deputet, Klevis Balliu thotë se siguria kombëtare ka rënë ndërsa kërkon që qeveria të japë dorëheqjen.
Më tej ai i bën thirrje SPAK-ut që të hetojë tenderat e pafundme të AKSHI-t.
Statusi i plotë i Klevis Balliut
Siguria kombëtare ka rënë, bashkë me të ka rënë siguria e informacionit dhe e jetës pas marrjes së gjithë të dhënave nga hakerat në e-Albania. Sot shqiptarët janë në mëshirë të hakerave.
SPAK duhet të ndërmarrë një hetim të plotë për tenderat e pafundme të AKSHI, të cilat qartazi janë përdorur për tu pasuruar pushtetarët dhe jo për sigurinë e informacioneve të qytetarëve.
Qeveria duhet të japë dorëheqjen, pasi kjo qeveri është përgjegjëse dhe bashkëpuntore në këtë krim kombëtar. Të gjithë personat përgjegjës nga Kryeministri e deri tek zyrtarët e AKSHI-t duhet të merren nën hetim pa imunitetin e pushtetit./m.j