“Reuters” shkruan për arrestimin e gazetares ruse në Kosovë: Rusia është aleat kryesor i Serbisë

Lajmi i arrestimit të gazetares ruse në Kosova ka bërë jehonë edhe në mediat prestigjioze. Kështu, agjencia e lajmeve “Reuters” ka raportuar për lajmin, ndërsa shkruan se “nuk kanë mundur të verifikohen akuzat e Sveçlës”.

“Gazetarja Daria Almahov nuk ishte e disponueshme për koment dhe ishte e paqartë nëse ajo kishte punësuar një avokat”, shkruan agjencia e lajmeve.

Reuters në artikullin e saj tregon që Sveçla ka postuar një fotografi të Almahov me ministrin e jashtëm rus, Sergei Lavrov dhe me presidentin sirian, Bashar al-Assad.

“Rusia është aleati kryesor i Serbisë dhe njësoj si Beogradi, është kundër pavarësisë së Kosovës”, shkruan Reuters.

Në artikull, Reuters përmend edhe situatën e tensionuar javën e kaluar dhe sulmin e djeshëm ndaj Policisë së Kosovës.

“Kosova i është bashkuar ndëshkimeve të BE-së dhe SHBA-së kundër pushtimit rus të Ukrainës dhe tashmë ka vendosur sanksione”, shkruan Reuters.

Back to top button
LAJMET E FUNDIT