Kush është e reja shqiptare që i dha fund jetës në qeli, gjyqtari italian letër prekëse: Dështova…

Donatella Hodo ishte vetëm 27 vjeç kur vendosi të vetëvritej në burgun e Veronës.

Vajza, me probleme të varësisë nga droga dhe e akuzuar për një sërë vjedhjesh, ndodhej në burg pasi ishte larguar nga një komunitet të cilit i ishte besuar rehabilitimi i saj.

Vajza me origjinë shqiptare i ka dhënë fund jetës duke thithur gaz nga tubacionet që furnizojnë furnelën e ngrohjes në qelinë e saj.

Fillimisht ajo i la një letër të dashurit të saj ku shkruante:

“Leo dashuria ime, më vjen keq. Ti je gjeja me e bukur qe mund te me ndodhe dhe per here te pare ne jete mendoj dhe e di cfare do te thote te duash dike por kam frike nga gjithcka, te te humbas dhe nuk do ta duroja. Më fal dashuria ime, bëhu i fortë, të dua dhe më fal…”, ishin fjalët e fundit që Donatella shkroi në një çarçaf të bardhë.

Kush është e reja shqiptare që i dha fund jetës në qeli, gjyqtari italian letër prekëse: Dështova...

Shumë prekëse është deklarata dhe letra që ka shkruar dhe lexuar gjatë funeralit të vajzës me origjinë shqiptare gjyqtari që vendosi burgosjen e Donatella.

Në një intervistë me ‘Corriere della Sera’, Vincenzo Semeraro, gjyqtari i Gjykatës së Veronës, thotë se vetëvrasja e të resë tregon dhe dështimin e tij si magjistrat.

“Ne jemi njerëz përpara se të jemi gjyqtarë. Dhe unë, si magjistrat, por mbi të gjitha si burrë, e ndjej se kam dështuar tani që një vajzë 27-vjeçare me dosjen e të cilës u njoha që nga viti 2016, është vetëvrarë në burg” .

Ai shkroi një letër që u lexua në kishë gjatë funeralit të Donatella Hodo, dhe tha se ajo ishte “një e re që luftoi me varësinë nga droga dhe kishte një brishtësi të madhe”.

“Ajo dilte dhe kthehej në qeli vazhdimisht për vjedhje të vogla të lidhura me drogën, e la veten të vdiste natën e 2 gushtit, duke thithur gaz nga furnella që kishte në qeli. Meqenëse Donatella ka bërë gjestin e saj tragjik, unë vazhdoj t’i bëj vetes një mijë pyetje. Ku gabova, në çfarë? Sa herë që një person në burg i merr jetën vetes, kjo do të thotë se i gjithë sistemi ka dështuar. Në rastin e Donatellës, unë isha pjesë e sistemit pasi e kisha ndjekur rastin e saj për gjashtë vjet. Pra, si sistemi, edhe unë kam dështuar.

Çfarë mund të kisha bërë më shumë për këtë vajzë?

Ndoshta herën e fundit që shkova për ta vizituar në burg, qershorin e kaluar, mund t’i kisha thënë edhe disa fjalë?

Përse, pavarësisht se e njihja që kur ishte 21 vjeç, nuk e kuptova që dhimbja ishte bërë kaq e thellë për të? Marsin e kaluar vajza u transferua në një komunitet. Isha siguruar që ajo të dilte nga burgu sepse qelia nuk ishte vendi i duhur për të, fatkeqësisht ajo ishte arratisur dhe më pas ishte kthyer atje. Së shpejti për të do të vendosej një masë alternative, mjafton të bënte pak durim. Fatkeqësisht, brishtësia e saj e pushtoi në vetminë e asaj qelie…”, shkruhet ne letren qe ka lexuar gjyqtari.

Back to top button
LAJMET E FUNDIT