“Ishte i dhunshëm, për një moment humbëm shikimin”/ Ushtari rrëfen përleshjen me rusin

Mbrëmjen e djeshme, dy ushtarë shqiptarë të cilët ishin në ruajtje të uzinës së armëve në Gramsh, janë sulmuar nga dy shtetas rusë dhe një ukrainas, duke u plagosur në fytyrë.

Dy ushtarët Ardi Bici dhe Ardjan Xhaka u transportuan në spitalin “Nënë Tereza” për të marrë ndihmë mjekësore dhe fatmirësisht ndodhen jashtë rrezikut për jetën.

Një prej ushtarëve shqiptarë të sulmuar nga rusët në uzinën e Gramshit tha se kishte pasur djegie në sy dhe se për disa minuta kishte humbur shikimin.

Ai tha se pavarësisht sulmit me spray, kishin arritur të neutralizonin shtetasin rus që i kishte sulmuar.

“Bëmë detyrën tonë si ushtarakë. Ka qenë i dhunshëm. Hodhi spraj, kam shenjat. Hodhi edhe nga fytyra. Shikimi për momentin na iku, por tani jemi më mirë. Me gjithë përgjegjësin e rojes e kapëm të dy dhe e mbajtëm poshtë deri sa e arrestuan”, tha ai.

Back to top button
LAJMET E FUNDIT