“Një pjesë të zemrës e kam në Shqipëri”, Arba Kokalari para disa vitesh fliste me pasion për shqiptarët

Shqiptarët morën një lajm të mirë ditën e sotme. Arba Kokalari, 32 vjeç u zgjodh si eurodeputete në parlamentin europian. Me një shqipe të admirueshme, Kokalari është mbesa e Musine Kokalarit, gruaja e cila u diplomua në vitin 1941 në universitetin “La Sapienza” në Romë.

Mbesa e Musine Kokalarit do të përfaqësojë Suedinë në Parlamentin Europian. Ajo thotë se një pjesë të zemrës e ka në Shqipëri.

Katër vite më parë, e ftuar tek Ilva Tare në “Tonight”, ajo ka thënë:

E pashë që në Shqipëri s’kishte liri, erdha në Suedi dhe pashë që kishte liri dhe të drejta. Ikëm si familje në vitet ’90, kur unë isha 5 vjeç. Unë aty ndërtova jetën time. Por një pjesë të zemrës e kam këtu në Shqipëri, dhe për shqiptarët. Mendoj se jam europiane.
Unë ndihem europiane, kur jam në Suedi nuk ndihem 100% suedeze, kur vij këtu po ashtu.”