Marangozi me shtetësi belge pranë repartit të Poliçanit, a i shërbente agjenturave?

Incidenti me shtetasit rus nuk është i shkëputur. Gjatë muajve prill-maj 2021 drejtoria e antiterrorit ka pasur në vëzhgim edhe personazhe të tjerë që binin në sy për lëvizjet e dyshimta siç zbulohet në raportet zyrtare.
Në 9 prill 2021, rreth orës 24.00 pranë portës kryesore të Postbllokut nr.2 në repartin Ushtarak të Vertopit, në Poliçan është konstatuar një kamionçinë e dyshimtë me targa të huaja:
“Mëngjesin e datës 9 Prill 2021, drejtuesi i automjetit është marrë në pyetje nga policia ushtarake ku ka deklaruar se quhej E. S. me nënshtetësi belge, profesion marangoz dhe se në Shqipëri ishte për arsye turistike. Ka qëndruar në atë zonë për të pushuar pasi nuk kishte njohuri për vazhdimin e rrugës gjatë natës”.
Personi është parë të ndalet me kamionçinën e tij edhe pranë ish- uzinës mekanike Ushtarake në Poliçan. Pas intervistimit nga policia ushtarake, ai u largua nga qarku i Beratit nëpër zona të tjera të Shqipërisë.
Ajo që bën përshtypje në raportin sekret është fakti se në Berat ishin parë edhe punonjës të Ambasadës ruse, të nesërmen e largimit të personit me kamionçinë.
Në datën 10 prill, diplomati me inicialet Y.Sh. është takuar me një shtetas shqiptar me inicialet E.Th. Të nesërmen e asaj dite, disa diplomatë të tjerë janë parë në zonë. Në raport, nuk ka ndonjë të dhënë më shumë rreth dyshimeve për motivet e udhëtimit.
“U bënë shumë raste pra, kjo do thotë që duhet vlerësuar seriozisht. Është në nivel rreizku, ende jo kërcënim një shkallë më lartë, kjo do thotë që duhet marrim masa, buxhet më të madh për strukturat e inteligjencë,s trajnime etj” u shpreh Xhavit Shala, profesor i çështjeve të sigurisë