Përfundon mbledhja e Këshillit Kombëtar të PD/ Vendimet që u morën, nuk miratohet propozimi për primaret sepse…

Këshilli kombëtar i Partisë Demokratike ka miratuar grupin e punës për auditivin e financave të partisë gjatë zgjedhjeve të 2017, pas ngritjes së akuzave për paratë ruse.
Grupi i punës përbëhet nga Ledina Mandia e cila do të jetë kryetare, si dhe nga anëtarët Florion Mima, Edmond Spaho, Enno Bozdo dhe Aldo Bumçi.
Ndërkohë, mësohet se nuk është miratuar dokumenti i propozuar për mënyrën e zhvillimit të Primareve, për zgjedhjen e kandidatëve të PD për zgjedhjet e ardhshme lokale.
Mësohet se ky vendim është marrë pasi anëtarët kanë kërkuar kohë që të njihen me dokumentin, duke qenë se e kanë marrë në dorë vetëm pak para nisjes së mbledhjes të sotme.