‘Bayraktar Diha’, droni që pritet të zbulojë parcelat me kanabis

“Baykar Technologies” është kompania turke, ku Shqipëria pritet të furnizohet me një flotë dronësh super-inteligjentë, siç ka bërë me dije kryeministri Edi Rama.
Në studion e Euronews Albania gazetari Eni Ferhati tha se pritet të merren 6 dronë, një prej të cilëve është “Bayraktar Diha”, i cili do të jetë në shërbim të Policisë së Shtetit, për të kontrolluar territorin, si dhe për të identifikuar parcelat me kanabis.
“Mendohet se do merret 6 dronë nga kompania turke, e cila është një kompani e njohur. Droni i parë quhet Bayraktar Diha. Ky është dron që përdoret nga policia. Është një dron që jep mundësinë që të bësh misione zbulimi dhe të monitorosh territorin në një sipërfaqe të gjerë. Mund të qëndrojnë 12 orë në ajër, ecën me 80 km/ orë. Të jep mundësinë e pamjeve në kohë reale”, tregoi gazetari.
“Nuk ka një kohë të përcaktuar se kur do të vijnë. Duhet të dërgojmë pilotët tanë apo agjentët për t’u trajnuar për përdorimin e tyre”, sqaroi më tej gazetari.