Basha dhe Bardhi u vendosnin gjoba oligarkëve? Balliu: Kjo dihej nga të gjithë, por nuk flisnim se…

Shefi Organizativ në Partinë Demokratike, Klevis Balliu thotë se brenda kësaj force politike, ka pasur debate në lidhje me gjobat që ish-kryedemokrati Lulzim Basha dhe deputeti Gazment Bardhi, u vendosnin oligarkëve, pasi ishte diçka që dihej.

Në një intervistë për Euronews Albania, Balliu deklaroi se kjo çështje nuk do diskutim.

“Po padiskutim. Atë e dimë ne të gjithë, është diskutuar rëndom. Është bërë debat në mbledhjen e Këshillit Kombëtar.

Është diskutuar, sepse e mbani mend shumë mirë që ka qenë çështja e pallateve te teatri, keni raportuar për një debat të këtij lloji në Këshillin Kombëtar.

Por që Lulzim Basha, Gaz Bardhi e të tjerë, kanë përdorur persona për gjoba, kjo nuk ka nevojë për dfiskutime”, theksoi Balliu.

Mbrëmjen e djeshme, deputeti demokrat, Flamur Noka ka hodhi akuza të forta në drejtim Lulzim Bashës dhe Gazment Bardhit.

Në emisionin “Now” në Euronews Albania, Noka u shpreh se ata bënin sikur sulmonin oligarkët, por u vendosin gjoba dhe merrnin para prej tyre.

Back to top button
LAJMET E FUNDIT