Revoltohet Sazan Guri: O gjakprishur, o mortje, unë jam burrë, se nuk merrem as me femra e as dua para e pushtet. Pse më ndiqni e përgjoni?
Sazan Guri ka reaguar i revoltuar, pasi ndër emrat që qarkulluan pas hakerimit të Policisë, doli dhe emri i tij.
“Këto ditë të dashur miq e dashamirës të vërtetë, nga hakersat doli se edhe unë Sazan Guri isha pjesë i vrojtuar apo i gjurmuar prej policisë së shtetit që për ç’ka bëj normal që nuk mund të ishte ndryshe, që për mua nuk ishte gjë e panjohur dhe kur më thanë as që u shqetësova fare, biles çuditeshin si personat që ma dhanë me foto lajmin dhe media që më intervistoi sesi e prisja kaq qetë!
Nuk më shqetëson as kjo që më thonë se portale dhe njerëz të caktuar ndjehen të ekzaltuar se Sazan Gurit i ka dalë emri thuajse baraz me ata që kanë bërë krime apo vjedhje, pa analizuar faktin se thjesht emri ishte në analet e policisë shqiptare për ç’ka bëj.
Dhe jo pak, dy protesta në muaj x 12 muaj x 20 vjet, dy tryeza në muaj x 12 muaj x 20 vjet, katër shkrime në muaj x 12 muaj x 20 vjet, gjashtë Kongrese ndërkombëtare, 70 botime, katër dalje televizive në javë x 52 x 20 vjet, dhjetra gjoba e deklarime në Komisariate, të gjitha këto aspak për vete dhe për familjen time o ti derzi, por për Shqipëri dhe për kundra qeveri.
Sepse një indivit kur bëhet palë me të metat dhe krimet e qeverisë thotë Orvuell është palë e bashkëpuntor me krimin, dhe në të gjitha rastet për dobi të vlerave të kombit dhe të vendit, por më tepër në vlerësim të të drejtave tuaja, o ju gjakprishur, o ju që prisni rastin se ku të gaboj, por që nuk do të kini kurrë shancin të gëzoheni me këtë rast, sepse fisi dhe familja më kanë preagtitur për të qenë simbol i moralit të pastër shqiptar, ndërsa Zoti dhe Natyra më kanë gatitur për punëra edhe më të mëdha.
Kështu që vazhdoni besimin tuaj ju të dashur dashamirës dhe merreni premtim e fjalë burrrrri prej bjeshke se kur nuk do t’ju zhgënjejë, sidomos tani në këtë moshë që nuk kam kohë të ndreq një gabim apo diçka të pistë, por dëgjoni edhe ju mortjet që më doni të pjekur, se kurrë s’kini për të pasur shancin që të shkel në dërrasë të kalbur apo si i thonë fjalës të ha një lug çorbë të prishur……, për aq kohë sa nuk jepem pas tre gjerave që marrin më qafë një burrrrrrrrrrë si
– 1. dhënia pas epsheve, 2. pas pushtetit dhe 3. pas parasë dhe për aq kohë sa dua 1. Natyrën, 2. respektoj Zotin dhe 3. çdo nerv e muskul në fytyrë, ndryshe nga shumë të tjerë, më skuqet, më nxihet e më zverdhet nga njerëzia…..”, shkruan ai.