Po raportonte live/ Momenti kur gazetari trembet nga bombardimet ruse mbi Kiev dhe ia “mbath” për t’u fshehur (VIDEO)

Rusia ka nisur ditën e sotme të tjera sulme në shkallë të gjerë në Ukrainë, duke bombarduar Kievin dhe disa qytete të tjera.
Këto sulme duket se e kanë gjetur të papërgatitur një gazetar të BBC, i cili ishte duke raportuar drejtpërdrejt nga kryeqyteti ukrainas.
Në orën 8:18 të mëngjesit me orën lokale, korrespondenti i BBC-së në Kiev, Hugo Bachega, po jepte një raport lajmesh në një çati përpara Manastirit ikonik të qytetit të Shën Michael, me kupolë të artë, kur u dëgjua zhurma e një rakete që gjëmonte lart.
Ai ndaloi raportimin e tij për të hedhur një vështrim pas tij, përpara se të dëgjohej një shpërthim në distancë, duke e detyruar atë të zbriste dhe të kërkonte strehë.