Kryemadhi thirrje qytetarëve që të dalin nesër në protestë: Të bashkohemi për të shpëtuar ekonominë!

Deputetja e Partisë së Lirisë, Monika Kryemadhi, iu ka bërë thirrje qytetarëve shqiptarë që të bashkkohen në protestën e cila do të mbahet nesër në orën 16:00 në sheshin Skënderbej.

Përmes një postimi në Facebook, Kryemadhi thotë se kryeministrii Edi Rama ka sjellë krizën e kostos së jetesës dhe çmimet e larta që po vuajnë sot qytetarët.

“10 vitet e kryeministrit Rama kanë sjellë krizën e kostos së jetesës dhe çmimet e larta që po vuajmë sot. Është koha të bashkohemi fuqimisht për të shpëtuar nga rrënimi ekonomik i qeverisë së inceneratorëve”, shkruan Kryemadhi.