“Të rinjtë të gjithë për Angli”/ DailyMail shkon në Burrel: U sjellin familjarëve para

Anglia është një prej destinacioneve të preferuara të qytetarëve shqiptarë që duan të emigrojnë jashtë shtetit.

Prej vitesh me qindra shqiptarë kanë marrë arratinë për në ishullin britanik, shumica prej tyre në mënyrë të jashtëligjshme.

Dailymail ka shkruar për një fshat në kodrat shqiptare ku të gjitha shtëpitë komode dhe moderne janë ndërtuar me paratë e dërguara në shtëpi nga emigrantët që hyjnë ilegalisht në Britani.

Fshati Muzhak ka një popullsi prej rreth 1,200 banorë dhe në çdo familje ka të paktën një anëtar dhe në disa raste deri në tre që jetojnë në MB.

Gjatë 15 viteve të fundit të paktën 300 të rinj të lindur dhe të rritur në Muzhak janë larguar nga fshati, i cili ndodhet rreth dy orë në veri të kryeqytetit Tiranë, për në Mbretërinë e Bashkuar duke përdorur kamionë, varka dhe aeroplanë për një jete më e mirë.

Me paratë që kanë fituar në Britani, të rinjtë e Burrelit kanë ndihmuar në financimin e ndërtimit të dhjetëra shtëpive të reja, duke zëvendësuar ndërtesat njëkatëshe me shtëpi luksoze trekatëshe me ngrohje qendrore.

Në qytetin fqinj të Burrelit, 2000 të rinj janë larguar nga rajoni në kërkim të punës vetëm në 12 muajt e fundit, duke i lënë fshatrat atje të duken si vende fantazmë.

Sipas medias britanike, gjithçka filloi rreth 15 vjet më parë dhe atëherë ishte me kamionë dhe ishte e shtrenjtë, ndoshta 20,000 £ për të hyrë në MB, por tani është me varka të vogla dhe çmimi ka rënë, rreth 3,000 £ kështu që është shumë joshëse për ta.

Në Burrel, lidhja me Britaninë mund të shihet nga numri i makinave të regjistruara në Mbretërinë e Bashkuar në rrugë, duke përfshirë disa Audi të shtrejntë, por pronarët e tyre hezitojnë të flasin kur u afrohen gazetarët.

Back to top button
LAJMET E FUNDIT