Milot Rashica na jep ‘leksione’ historie: Turqit dhe shqiptarët janë të ngjashëm, janë të parët që e njohën Kosovën

Milot Rashica ka dhënë një intervistë për mediat turke. Mes të tjerash ai ka bërë një krahasim mes turqëve dhe shqiptarëve, duke dalë në përfundimin se janë të ngjashëm edhe në kulturë.

Rashica kërkon t’i futet historisë, por asaj të viteve të fundit pa shkuar më tej, duke treguar se Turqia ishte një nga të parët shtete që e njohu Kosovën.

“Në Turqi jetojnë shumë persona me origjinë kosovare dhe shqiptare. Këtu ka edhe lojtarë kosovarë që luajnë në klube të tjera.

Përveç kësaj, Turqia është një nga vendet e para që ka njohur Kosovën. Ne mbajmë një marrëdhënie të ngushtë. Ne jemi njerëz të ngjashëm; kulturat tona dhe madje edhe ajo që hamë janë shumë të ngjashme”, tha Rashica.

Kujtojmë se Rashica është huazuar për një sezon te Galatasaray aty ku duket se ka kapur formën e mirë që i mungonte prej kohësh.

Te Noruich kishte dalë jashtë planeve të trajnerit, ndërsa në fund të sezonit do shihet se cfare do vendoset për të ardhmen e tij.

Back to top button
LAJMET E FUNDIT