“Kur të vij ftesa e Shqipërisë, nuk flas tani”, ja se çfarë ka vendosur Anis Mehmeti për mediat shqiptare

Anis Mehmeti është talenti më i përfolur i Shqipërisë në këto kohë. Lojtari që ishte pjesë e Wycombe në League One, tani ka kaluar te Bristol City në Championship. Menjëherë ka arritur që të përshtatet në ekipin e ri dhe po shkëlqen në nivelin e dytë më të lartë të futbollit anglez.

Trajneri i ka besuar fanellën e titullarit në pak kohë, megjithëse nuk mund të luante dot ndaj Manchester City në mbrëmjen e djeshme për shkak të rregullave pasi kishte luajtur edhe më herët në FA CUP me Ëycomben.

Të gjithë presin që në listën e Silvinjos për ndeshjen me Poloninë të gjendet edhe Anis Mehmeti. “Sport Ekspres” mëson se lojtari i Bristol City po refuzon çdo kërkesë të mediave shqiptare për të dhënë intervistë.

Ai kërkon që të përqendrohet vetëm te klubi, ndërsa shprehet me njerëzit e afërt të tij se do të flas edhe për sportdashësit shqiptar në momentin që do të mbërrijë në Shqipërinë A. Deri atëherë, Mehmeti nuk do të marrë vëmendjen mediatike shqiptare.

Back to top button
LAJMET E FUNDIT