“Më vjen turp që jam gjallë”/ Revoltohet 19-vjeçarja që shpëtoi në Greqi: Të gjithë jemi vrasës….

Pas aksidentit tragjik ku dy trena u përplasën në Greqi, një prej të mbijetuarve ka rrëfyer detaje të reja rreth ngjarjes.

19-vjeçarja Vasiliki, studentja e Fizioterapisë, po udhëtonte me të dashurin e saj në tren kur ndodhi përplasja. Ajo është tepër e indinjuar me atë që ka ndodhur dhe i vjen turp që ka mbijetuar.

Vasiliki ndodhej në vagonin e mensës në momentin e përplasjes dhe u shpëtua kur ajo dhe i dashuri i saj gjetën një vrimë në tokë dhe zbritën prej saj.

Vajza thotë se për sa kohë askush nuk merr përgjegjësinë për atë që ndodhi, të gjithë janë fajtorë dhe vrasës.