Sulmi ndaj Top Channel: Dyshohet se autorët janë larguar drejt Vlorës, hodhën armën në ferra, disa të shoqëruar në polici

Detaje të reja janë zbuluar nga sulmi me armë pak pas mesnatës së të dielës në zyrat e Top Channel, ku humbi jetën edhe 60 vjeçari Pal Kola me detyrë punonjës sigurie.

Burime për Report Tv bëjnë me dije se autorët që kanë qëlluar me breshëri kallashnikovi drejt Top Channel dyshohet se kanë ikur në drejtim të Vlorës. Disa persona mësohet të jenë shoqëruar në polici.

Që prej mëngjesit po kontrollohen kamerat e vendosura në hyrje të qytetit që kanë parë një makinë, e cila ka ndaluar dhe ka hedhur diçka në ferra që dyshohet të jetë armë.

Efektivët janë në vendngjarje dhe po bëjnë kontrolle për të zbuluar çfarë është hedhur nga makina në lëvizje.

Back to top button
LAJMET E FUNDIT