Një grua përballë 4 burrave në garën pë Bashkinë Tiranë, Përnaska: Lojë e pisët

Kandidatja e PDIU për bashkinë Tiranë, Lajla Përnaska deklaroi në një intervistë për Euronews Albania se fushata elektorale për një grua është e vështirë sepse bëhet lojë e pisët.

Sipas saj sot kemi të bëjmë me një monopol burrash.

“Burrat luftojnë fort për pushtetin. Është luftë për pushtet dhe burrat luftojnë aq fort sa bëjnë atë që quhet lojë e pisët ose luftën e pisët dhe ka filluar. Ka filluar linçimi, shpifjet, ka filluar të ndihet edhe ndaj kandidimit tim, por sinqerisht ngaqë u bë gjatë angazhimi im politik, kam përjetuar situata nga më të ndryshmet,” – tha Përnaska.

Ajo tregoi gjithashtu se garën e parë e ka bërë në vitin 1996 dhe ka qëndruar mjaftueshëm gjatë në politikë sa për t’i kuptuar lojërat e pista që bëhen.