Taksë e re për karburantet

Qytetarëve do t’u shtohet shumë shpejt një taksë e re për naftën. Qeveria e riaktivizoi sërish projektligjin, i cili vendos tarifë shtesë mbi karburantet, për të financuar rezervën e detyrueshme të sigurisë.

Për momentin, rezerva mbahet nga vetë kompanitë private, shkruan TCH. Në bazë të ligjit, çdo karburant është i detyruar të mbajë rezervë sa 3 muaj shitje. Për vitin e kaluar rezerva shkoi deri në 2185 mijë ton.

Drafti i ri i qeverisë ia kalon si krijimin ashtu dhe mbajtjen e rezervës, karburanteve të shtetit. Ndërkohë Agjencia Shtetërore e Rezervës, do të blejë me tender mbi 200 mijë ton karburant, i cili do të ruhet si rezervë fizike në depozita, të cilat mund të ndërtohen nga shteti ose të merren me qera.

Paratë për depozitat dhe shpenzimet e agjencisë, do të siguron nga një tarifë e re mbi naftën dhe benzinën, e cila pritet të jetë 2 lekë për letër ose 20 euro për ton. Qevera pretendon se ky ndryshim nuk krijon kosto të re për qytetarët, pasi zhvendosja e rezervës do të lehtësojë kompanitë nga kostot.

Nga ana tjetër tregtarët e karburantëvepretendojnë të kundërtën, pasi sipas tyre, rezerva nuk krijon kosto, pasi garantohet nga furnitorët. Por zhvendosja e rezervës në shtet ka dhe risqe të tjera. Kjo për shkak se karburantet janë produkt që skadon dhe agjencisë do i duhet të blejë edhe shtesë, duke vënë kështu buxhetin përballë riskut të ndryshimit të çmimeve. Humbjet mund të jenë deri në miliona euro, që sigurisht do të paguhen nga qytetarët.